Iggy Pop, The Pretenders, Rancid, Lucinda Williams, Incubus, The Soundtrack of Our Lives, Melvins, Alter Bridge, El Drogas eta, guztira, 55 talde sartu dira zerrendan
Andre Maria Zuriaren plazako doako kontzertuei esker hiriaren bihotzeraino iritsiko da musika ostiral eta larunbatean, Chuck Prophet eta The Fuzillis artistekin
0Km gastronomia-eremu berria izango du jaialdiak, lehen aldiz, askotariko eskaintza zabalarekin
Rockaren garra ostegunean piztuko da Azkena Rock Festival jaialdiaren 21. edizioa hastearekin batera, huts egin ezinezko hitzordua baita zuzeneko musikarekin, baita esperientzia paregabea ere, zentzu guztietan. Ekainaren 15ean, 16an eta 17an, Iggy Pop mitikoa, punkaren ikono eztabaidaezina igoko da Mendizabalako agertokira; Chrissie Hynde-ren taldea, The Pretenders, ereserkiz beteriko errepertorioarekin etorriko da, kontzertu esklusiboan, gainera; Rancid punk rockaren historiako talderik garrantzitsuenetako bat da, eta lehen aldiz izango dugu ARFn, bere 30. urteurrena ospatzen; Lucinda Williams, bere garaiko konpositore eta interprete onenetako bat; Incubus, rock alternatiboaren ezinbesteko taldea, 23 milioi disko baino gehiago saldu ditu eta Grammy sarietarako hainbat izendapen ere lortu ditu; Melvins, 90eko hamarkadako mitoa, jaialdiko publikoak erruz eskatu izan duena; Alter Bridge, hard rock estiloko izarrak, Myles Kennedy abeslaria buru izanik; The Soundtrack Of Our Lives taldearen berrelkartzea eta El Drogas, Barricadaren 40 urteetan oinarritutako errepertorioarekin.
ARF jaialdiaren alderik basatiena, zalantzarik gabe, Trashville da, jaialdiaren barruko aretoa; bertan, publikoaren eta agertokiaren arteko banaketa ezabatzen da eta zuzeneko gordinenak bizitzeko aukera izaten dugu, rock and rollaren kausari atxikitako bandekin. The Kaisers, The Reverend Peyton’s Big Damn Band eta The Phantom Surfers ditugu buru garage, rockabilly, surf eta rock basatia nagusi diren programazioan, eta, azken orduan, Generador taldea ere gehitu zaigu Mimi & The Miseries-en ordez, familia-arrazoiengatik ezin izan dutelako etorri.
Jaialdiaren une berezienetako bat Andre Maria Zuriaren plazako programazioa izaten da beti, azkenazaleen eta hiriburuko biztanleen arteko topagune. Ostiralean rock & roll instrumental eta geldiezina eskainiko ditu The Fuzillisek, eta larunbata Chuck Prophet & The Mission Expressen eguna izango da, rock estiloko gitarra-jotzaile eta konpositore handienetako bat.
Rock & roll-arekin dugun hitzorduaz gozatzeko xehetasun guztiak
Eskumuturrekoak
Ohikoa denez, eremuan sartu ahal izateko, sarreraren truke eskumuturreko ofiziala jaso beharko du publikoak Mendizorrotzako kiroldegiaren parean horretarako jarriko diren puntuetan. Eskumuturrekoak jasotzeko txandak: asteazkenean 17:00etatik 22:00etara, ostegunean 13:00etatik 01:00era eta ostiral eta larunbatean 15:00etatik 02:00etara. Sarreraren ordez eskumuturrekoa hartzera norberak joan beharko du, eskumuturrekoa pertsonala eta besterenezina da-eta.
Cashless
Jaialdiaren eremu barruan, ordainketa guzti-guztiak, bai janaria eta edaria, bai merchandisinga eta atrakzioak, cashless sistema elektronikoaren bitartez egingo dira; eremura sartzeko eskumuturrekoetan txertatuta egongo da sistema hori. Erabiltzaile bakoitzak bere cashless kontuarekin lotu ahal izango du bere sarrera, esteka honen bitartez, baldin eta online kargatu nahi badu; bestela, mugikorrarekin, txartelaren bitartez edo dirutan ere kargatu ahal izango da, eremu barruan egongo diren kargatzeko puntu fisikoetan.
Gastronomia
Azkena Rock Festival jaialdian jateko gune berri bakar bat estreinatuko da; 0 kilometroko jakiekin osatutako eskaintza gastronomiko zabala izango du, gure lurreko produktu onenen zapore betekoa, eta gustu nahiz dieta guztietarako modukoa. Espezialitateetan Trashville hanburgesa aipatuko dugu, baina denetarik izango da, hala nola hotdog-ak, ogitartekoak, kroketak, etxeko patata frijituak, jaki asiarrak eta, postreak, izozki eta guzti. Aukera begetarianoak, beganoak eta glutenik gabekoak ere izango dira beti, alergenoei buruzko informazio guztiarekin.
Jende guztiarentzako moduko esperientzia
Eremuaren erosotasuna da Azkenaren bereizgarrietako bat; izan ere, zuk aukeratzen duzu kontzertuak lehen lerroan bertatik bertara ikusi nahi dituzun, edo lasaiago berdegune ugarietako batetik. Esperientzia osatze aldera, agertokiez haratagoko jarduera dibertigarriak eskainiko ditugu; kasu honetan, iazko edizioan izugarrizko arrakasta izan zuten autotxokeak izango dira. Bestalde, familientzat erraztasunak ere eskainiko ditugu, hala nola familien erreia eta 14 urtetik beherakoek sarrera doan izatea. Azkenaren magiaren sekretuetako bat publikoarekin duen konexioa da, bai ikus-entzule leialenekin, bai lehen aldiz datozenekin, bai etortzen hasten diren belaunaldi berriekin. Aurten ere, 14 urte eta gutxiago dituzten gazte eta haurrek doan izango dute gure rock-eskolako sarrera, jaialdia baino eskola hoberik ez dagoela uste baitugu; eta 15 urtetik 23 urtera bitarteko gazteek, berriz, sarrera merkeago izango dute, Bono Gaztearen bitartez.
Eguneko bidaiak
Inguruko herri eta hirietatik bidaia ofizialak egunero Gasteizera, jaialdiaz gozatu eta egunero etxera itzuli ahal izateko, erosotasun osoz. Bidaiak arratsalde hasieran abiatuko dira, eta agertoki nagusiko azkeneko kontzertua bukatu eta 30 minutura izango da itzulera, egunero. Bilbotik, Iruñetik, Altsasutik, Donostiatik, Zarauztik eta Arrasatetik jaialdiaren atariraino. Informazio gehiago, esteka honetan.
Kanpina
ARF jaialdian, eremutik minutu gutxira lo egiteko aukera eskaintzen dugu: kanpina eta glampina, kanpin-denda muntatuta eta ohea egina aurkitzea nahiago dutenentzat.
Urteurreneko pack berezia
Azkenazale sutsuenek XX. urteurreneko pack berezia erosi ahal izango dute: elastiko bat, poster bat, luxuzko totebag bat eta lankidetzan egindako liburu bat, non jaialdiko publikoaren bizipenak biltzen diren, esperientzia honen benetako protagonista den aldetik. Jaialdiaren ingurunean gertatutako historiak jasotzen dira liburuan.
Orain arteko ediziorik berdeena
Jaialdiak bat egiten du 2030 Agendarekin eta Garapen Jasangarrirako Helburuekin; horretarako, ekintza hauek aktibatu ditu: Tokian tokiko kontratazioa, langileen % 90 EAEkoak izanik. “Ekipo Berdea”, jaialdiak ingurumenean duen inpaktua murrizteko neurri guztiak ezartzeko 360º lanean ari dena: komunen % 100 saneamendu-sarera konektatuta daude eta, hartara, ez dugu komun kimikorik erabili behar; plastikoen erabilera % 70etik gora murriztea jaialdiaren produkzio guztian, eta edalontzi berrerabilgarriak erabiltzen jarraituko dugu, behin erabili eta botatzeko edalontziak erabilita baino 2 tona (2.185 Kg) hondakin gutxiago sortzen direlako.
Jaialdi irisgarria, segurua eta parekidea
Aurten ere, mugikortasun urriko pertsonei eta premia bereziak dituztenei laguntzeko talde bat izango dugu ARF jaialdian, eta sexu-indarkeriaren eta gorrotoaren aurkako protokolo bat aktibatu dugu, prestakuntzaren bitartez eta segurtasuneko eta jaialdiko langileak koordinatuta. ARF jaialdiak tokiko erakundeekin lankidetzan jarduten du; esate baterako, catering zerbitzuetarako Peñascal Fundazioarekin batera egiten du lana, gizarteratze-prozesuetan dauden pertsonak prestakuntzaren eta lanaren bitartez aktibatuta. Bestalde, Arabako Elikagai Bankuari dohaintzat bat ere egiten zaio.
ERRONKA GARBIA zigiluari eusteko lanean jarraitzen dugu jaialdian. Last Tour enpresa da jaialdiaren sustatzaile, eta B Corp ziurtagiria lortu zuen 2023ko martxoan eta, harrezkero, pertsonen eta planetaren mesedetan ekonomia globala eraldatzen ari den mugimendu globaleko kide da.
Aurten ere, antolatzaileek eskerrak eman nahi dizkiete erakunde eta enpresa laguntzaile guztiei, beren babesagatik. Haien parte-hartzerik gabe, Azkena Rock Festival jaialdiaren edizio honetan ezin izango genituzkeen helburuak bete, garapenari eta hazkundeari dagokienez.
AZKENA ROCK FESTIVAL
Mendizabala, Vitoria-Gasteiz
2023ko ekainak 15, 16 eta 17
Ekainak 15, osteguna
18:00 Ateak ireki
GOD
19:05 OS MUTANTES
21:10 EL DROGAS (BARRICADA – 40º)
23:35 RANCID
RESPECT
18:15 LIHER
20:05 STEVE EARLE
22:30 LYDIA LUNCH RETROVIRUS
01:00 MONSTER MAGNET
TRASHVILLE
20:15 GENERADOR
22:30 THE KAISERS
01:00 NESTTER DONUTS
02:00 TURISTA BANG BANG
Ekainak 16, ostirala
ANDRE MARIA ZURIA
13:30 THE FUZILLIS
MENDIZABALA
17:00 Ateak ireki
GOD
17:30 BONES OF MINERVA
19:15 CORDOVAS
21:40 THE PRETENDERS
00:30 INCUBUS
RESPECT
18:20 S8NT ELEKTRIC
20:25 EARTHLESS
23:15 CALEXICO
02:05 THE SOUNDTRACK OF OUR LIVES
LOVE
18:00 PASADENA
19:20 MATCHBOX
20:50 THE GUAPOS
23:30 THE UNDERTONES
01:50 GWAR
TRASHVILLE
Trashville A Go-Go!
18:30 THE CLEOPATRAS
20:00 LOS TIKI PHANTOMS
22:30 THE REVEREND PEYTON’S BIG DAMN BAND
01:00 HOLA GHOST
02:30 MEOW aka DJ NU
04:30 THE LEGENDARY SHEIKS
Rat Hole
02:00 HOLY NOTE vs. MAD COBRA
04:00 BELLE BROWN
Ekainak 17, larunbata
ANDRE MARIA ZURIA
13:30 CHUCK PROPHET & THE MISSION EXPRESS
MENDIZABALA
17:00 Ateak ireki
GOD
17:30 EZPALAK
19:20 AMANDA SHIRES
21:30 LUCINDA WILLIAMS
00:20 IGGY POP
RESPECT
18:20 THE BEVIS FROND
20:25 ANA POPOVIC
23:00 MELVINS
01:55 ALTER BRIDGE
LOVE
18:00 BRIGADE LOCO
19:20 NAT SIMONS & CHERIE CURRIE
20:50 THE NUDE PARTY
23:15 LUCERO
01:50 JIM JONES ALL STARS
TRASHVILLE
Trashville A Go-Go!
18:30 LOST CAT
20:00 STEEL BEANS
22:15 THE PHANTOM SURFERS
01:00 KING SALAMI AND THE CUMBERLAND THREE
02:30 ROCK&ROLL POLICE DEPARTMENT
04:30 CARMELA MARACAS & LUPITA MAMBO
Rat Hole
02:00 NINGÚN DJ
04:00 AYUKEN DJs
Bonuak:
Bonua: 155€
Bono Gaztea (15-23 urteko gazteentzat): 100€
- urteurreneko pack berezia (bonua + liburua + elastikoa + posterra + totebaga): 175€
Eguneko sarrerak:
Osteguneko sarrera: 50€
Ostiraleko sarrera: 70€
Larunbateko sarrera: 70€
Sarrera doan 14 urtetik beherakoentzat
Kanpina
4 gau: 20 eurotik hasita
Salmenta: www.azkenarockfestival.com eta www.seetickets.com/es
#azkenarockfestival
