Azkena Rock Festival 2021

17/18/19 EKAINA 2021

VITORIA-GASTEIZ

Artistak

SUZI QUATRO

Hirurogeita hamarreko hamarkadaren hasierako emakumezko musikari garrantzitsuenetako bat etorriko zaigu aurten Gasteizera, eta Estatura egiten duen lehen bisitaldia izango da, gainera; berrogei urtetik gorako ibilbidearen errepasoa egingo du eta, besteak beste, ‘Can The Can’, ’48 Crash’ edo ‘Stumblin’in’ ezagunak entzun ahal izango ditugu. Suzy Cuatro hamalau urte zituela hasi zen Fender Precision baxua jotzen ikasten, eta bere jaioterrian, Michingan-en, The Pleasure Seekers taldean jotzen aritu ostean, Ingalaterrara joan zen bakarkako bideari ekiteko, Mickie Most ekoizlearekin batera –RAK Records etxearen sortzailea izan zen Most–. Herrialdean gertatzen ari zen glam eztandan murgildu zen eta, zalantzarik gabe, emakumezko aitzindarietako bat izan zen, bere jarrera errebelde eta deigarriarekin; geroagoko figuren inspirazio-iturri ere izan zen, hala nola L7, The Donnas, Hole, Joan Jett edo The Runaways.