Ez da erraza Cracker taldearen soinuari etiketak jartzea; izan ere, taldeak berak dio Greatful Dead taldeak bezainbesteko eragina duela beregan Ramones taldeak ere. Country-rock, psikodelia, punk eta folk estiloak nahasteko duten erraztasunak koktel amerikar peto-petoa bihurtzen du taldearen soinua, eta Azkena Rock Festival jaialdiko ikusle-entzuleek biziki maite duten taldeetako bat dela esan genezake, bi aldiz izan baitira gure artean.