Aperitibo gisa, Araba ARF Tour programazio berria ekartzen dizugu. Lau kontzertu doan Arabako bi herritan, Arabako Foru Aldundiaren eskutik.
Ekainaren 9an, ostirala, Artziniegan, frontoiko aparkalekuan, Moonshine Wagon, Euskadiko heavy-bluegrassen erreferente bihurtu den talde arabarra, eta Micky and The Buzz, rock and roll klasikoko boskote bilbotarra, izango ditugu, Micky Paiano italiarra mikrofonoan dela.
Larunbatean, ekainaren 10ean, Laudioko Lamuza frontoian izango dira kontzertuak; alde batetik, Bilboko Los Brazos taldea, txiki-txikitatik rock and rolla jo izan dutenek soilik duten ezohiko indarra duen power-hirukoa, Xuorum punk-rock taldea, eta tokiko Doctor Lawson taldea, inor axolagabe utziko ez duen zuzeneko musika independientearen ikuskizun izugarria eskainiko dutenak.
